جدّي

ـ1ـ

اشْتَقْتِلَّكْ يَا جدِّي

يَا جدِّي كْتِيرْ

لازِمْ تِبْقَى حَدِّي

تَا جْنَاحِي يْطِيرْ

إِنْتَ اللّي ربَّيْتنِي

وْإِنْتَ اللّي خَلَّيْتنِي

حِبَّكْ يَا جدِّي..

يا جدِّي كْتِيرْ

ـ2ـ

هَـ الدَّمْعَه الْـ بِعْيُونِي

عَ فْرَاقَك يَا عْيُونِي

خَلِّتْنِي مَجْنُونِه

وِالْعُمْر حْزَازِيرْ

عَمْ بِبْرُدْ بِغْيَابَكْ

غَطِّينِي بِتْيَابَكْ

تْيَابَكْ يا جدّي..

بِتْدَفِّي كْتِيرْ

ـ3ـ

يا نَبْع الْحِنِّيِّه

إِنْتَ وْأُمِّي وْبَيِّي

كْبِرْتُوا بِـ عِينَيِّي

وِبْقَلْبِي الزّغِيرْ

مِينْ بَدُّو يِغْمُرْنِي

وْقِصَص يْخَبِّرْنِي؟

حْكَايَاتَكْ يَا جدّي..

بِتْسَلِّي كْتِيرْ

**