لِـمْ كِبْرُوا.. نَكْرُوه وْلادُو
قِرْفُوا مْنِ الْعُمْر اللِّي فِيهْ
نِسْيُوا حِنِّيتُو وِجْهَادُو
نِسْيُوا الْحُبّ الْـ عَمْ يِعْطِيهْ!
قَالُولُو وِالْحِقْد جْبَالْ:
إِنْت كْبِرْت.. خْرِفْت.. انْشَالْ
مْنِ الْبَيْت.. وْخَلِّصْنَا شْوَيّْ
تِعْبِتْ مِنْ حَكْيَكْ الِعْيَالْ
أَقْسَى مِنَّكْ مَا فِي بَيّْ!
وْمِتْل اللِّي انْكَسْرِتْ نَظْرَاتُو
وْدِبْلِتْ عَ خْدُودُو دَمْعَاتُو
تْطَلَّعْ فِيهُنْ.. غَصّ وْقَالْ:
هَـ الْـ بِيرَبِّي هَيْك عْيَالْ
أَفْضَلْ لَوْ يِطْفِي سَاعَاتُو!
**
