قومي ع الدبكة

ـ1ـ

 قُومِي عَ الدَّبْكِه قُومِي

يا حِلْوِه يا مَهْضُومِه

ما فِي غَيْرِك بِ هَالكَونْ

رَحْ بينَسّيني هْمومي

ـ2ـ

لازِمْ إِسْمَعْ زَلْغُوطَه

لِمِّنْ بِرْقُصْ بِالْفُوطَه

من دونْ زَلْغُوطَه يا بِنْتْ

هَالْحَفْلِه مُشْ مَظْبُوطَه

ـ3ـ

حِطّي إيدِكْ بِ إيدي

تا نرْقُصْ رَقْصَه جْديده

بَرْكِي بيشُوفو هَالنّاسْ

صورتْنا بِالْجَريدِه

ـ4ـ

كلْ الْعُيُون عْلَيْكي

عَ الْخِفِّه اللّي بْإِجْرَيْكي

وأنا عْيُوني يا هَالْبِنْتْ

عَمْ تِغْرَقْ بِ عِينَيْكي

ـ5ـ

حِبّيني أُوعا تْخافي

بِكْتُبْ إِسْمِكْ عَ شْفافي

جِسْمِكْ أَبْيَضْ مِتلْ التَّلْجْ

رَحْ سَمّيكي نِفْنافِه