دبكة

ـ1ـ

 دَبْكِه.. دَبْكِه.. دَبْكِه شُوف

الْحلْوِه نِزْلِتْ عَ الدَّبْكِه

فَوْق عْيُونَا جَوْز سْيُوفْ

وْنَقْلِة إِجْرَيْهَا بْتِحْكِي

ـ2ـ

رَقِّصْهَا نِتْفِه يَا عُودْ

وْطَيِّرْلِي شَعْرَاتَا السُّودْ

وْيَا دَفّ بْضَرْبَاتَكْ جُودْ

وْعَرِّقْلِي هَـ الدِّرْبَكِّه

ـ3ـ

الْتَفُّوا حْوَالَيْهَا الشَّبَابْ

وعيونا حْبوب العنّاب

وْلِمِّنْ طَلْبُوا مِنْهَا جْوَابْ

رَقْصِتْ عَ شْفَافَا الضِّحْكِه

ـ4ـ

تْصَبَّرْ يَا قَلْبِي الْمَقْهُورْ

السّاحَه فِيهَا عَم بِتْدُورْ

وْعَم بِيزَقِّفْلاَ الْجُمْهُورْ

وْهِيِّي بْخَصْرَا عَمْ تِتْكِي

**