رَحْ غَنِّيلِكْ غِنِّيِّه
وْقَدِمْلِكْ ياها هْدِيِّه
لِحَّنْتا بْدَقَّات الْقَلْبْ
بَدّي ياكي تْشُوفي الْحُبْ
شو قادِرْ يِعْمِلْ فِيِّي
بْهَالْغِنِّيِّه يا عْيُوني
قِصِّةْ حُبِّي الْمَجْنُونِه
بْتِحْكِيلِكْ عَنْ غَرامي
كِيفْ زِيَّنْتِي إِيَّامي
لِمِّنْ حَدِّي بِتْكوني
يا رَيْتْ بْتِحْفَظِيها
وْبِلْيالِيكي تْغَنِّيها
ساعِتْها رَح إِقْدُرْ نامْ
وْإِغْرَقْ بِبَحْر الأَحْلام
وْإِنْسَى الدِّنْيي وْما فِيها
